كتب الكوريغرافي والراقص رشدي بلقاسمي تدوينة على صفحته الخاصة بالفايسبوك، أفاد فيها أنه تم الغاء حفله الذي كان مقررا اليوم بمدينة الشابة بولاية المهدية، وقال بلقاسمي أن مدير المهرجان هاتفه وأعلمه أن هناك تهديدات طالته على مواقع التواصل الاجتماعي، فطلب منه الغاء الحفل. وهذا ما جاء في نص التدوينة :
» تقوم الصباح فرحان زاهي، تخدم كرهبتك و تتعدى تهز فريق العمل متاعك و تقصد ربي تخدم.
العرض المرة هذي في الشابة – ولاية المهدية، فرحان اني لاول مرة باش نشطح في ولاية المهدية.
وانت تسوق يطلبك مدير المهرجان و صاحب الفضاء الي استضافك و يقلك: الدنيا قايمة قاعدة عليك على شباكات التواصل الاجتماعي المحلية، و لهذا فك علينا م المشاكل و خلينا نلغيوا العرض.
تفهمت موقف السيد المدير و دورت كرهبتي من نصف الثنية…
دخلنا نثبتوا على صفحة Chebba News
نلقاو طاروح على رشدي بلقاسمي الي يقول » بلحرام الواحد يصب فيه قرابيلة و شوايا فيه »، الي يقول » كان نعرف الكرهبة متاعو منخليهوش يتعدا و نسكر الطريق » الي يقول » نعمل اعتصام في الشعابنة و نسكر الطريق » و كلام آخر كلوا كره و حقد … نختم كلامي بسؤالين: الى متى باش نقعدوا خايفين من أعداء الحياة و الفزاعات ؟ الي متى باش تقعد ها بلاد تحكم فيها الباندية، و فيها الحرمة الجسدية مش محمية ؟ «
نشر في 30 أكتوبر 2017
TunisieDates
- + 30-10-2017